КАРА-КЫРГЫЗ АВТОНОМ ОБЛУСУНУН 100 ЖЫЛДЫГЫ, МАНАС РАЙОНУНУН 80 ЖЫЛДЫК МААРАКЕСИ БЕЛГИЛЕНДИ

18-19-октябрь күндѳрү Кара-Кыргыз автоном облусунун 100 жылдыгына жана Манас районунун 80 жылдык мааракесине арналган массалык-маданий иш-чара болуп ѳттү.

Ага өлкө аймагынан келген сыйлуу коноктор, мамлекеттик кызматтын, маданият тармагынын ишмерлери, жергиликтүү бийлик өкүлдөрү жана район тургундары катышышты.

Салтанаттуу иш-чара эки күнгѳ созулуп, бүйүр кызыткан кыргыз улуттук оюндары, маданий иш-чаралар жана мекеме, уюмдардын катышуусунда жѳѳ жүрүш, Манас баатырдын жаңыланган айкелинин ачылыш аземи менен коштолду.

Иш-чарага жигердүү катышып, ийгилик көрсөткөн спортчулар, кол өнөрчүлөр жана таланттуу өнөр адамдары акчалай сыйлыктар, баалуу белектер менен сыйланышты. Буга кошумча Манас районунун социалдык-экономикалык өнүгүүсүнө салмактуу салым кошкон эмгек алдынкыларына Манас райондук мамлекеттик администрациясынын Ардак грамоталары жана Ыраазычылык каттары тапшырылды.

Салтанаттуу иш-чара эстрада ырчыларынын коштоосунда гала-концерт менен жыйынтыкталды.